Lindol sa Surigao

Pagputok pa lang ng balita kamakalawa ng gabi hinggil sa malakas na lindol na yumanig sa Surigao City sa lalawigan ng Surigao del Norte sa Mindanao, agad nag-trend sa social media ang hashtag #Surigao­City, #SurigaoQuake, #Surigao.

Bumuhos ang pagpapaabot ng dasal, “be safe/keep safe” na mga mensahe, pangungumusta sa mga kaanak at kaibigan, at pagpo-post ng update kung ano na ang nangyayari sa lungsod na tinamaan ng 6.7 magnitude na lindol dakong alas-10:03 ng gabi ng Biyernes.

May ilang grupo rin na agad naglunsad ng #TabangSurigao upang mangalap ng anumang tulong na maaaring ipadala sa sinalantang lungsod. Ang salitang “tabang” ay Visayan dialect na ibig sabihin ay “tulong o saklolo”. Una itong sumikat sa ‘epic pinsala’ ng supertyphoon Yolanda.

Kahapon ay 6-katao na ang naiulat na nasawi sa lindol at 125 naman ang sugatan. Patuloy ang paggalugad ng mga awtoridad, partikular sa mga gumuhong istruktura upang alamin kung mayroong mga na-trap sa mga guho.

“As of this time, we have six fatalities and (at least) 125 injured,” ani Sr. Supt. Anthony Maghari, ang provincial police chief ng Surigao del Norte.

Hindi pa rin nilulubayan ng maya’t mayang aftershock ang lungsod at kahapon lamang ay mahigit 100 aftershock ang naitala. Continue reading

Trump inauguration sinalubong ng protesta sa Pinas

Sinalubong ng protesta ng mga militante rito sa Pilipinas ang inagurasyon kahapon ni President Donald Trump bilang ika-45 na pangulo ng Estados Unidos.

Sa disperas nang panunumpa ni Trump sa tungkulin kahapon, lumusob ang grupong Gabriela sa US Embassy sa Lungsod ng Maynila kung saan binansagan si Trump bilang ‘sexist’ at ‘racist’.

Kasama sa nagprotesta sina Gabriela party-list Reps. Emmi de Jesus at Arlene Brosas kung saan hiniling nila na layuan na ng US ang Pilipinas.

Bilang protesta, sabay-sabay na itinapon sa basurahan ang litrato ni Trump upang ipakita sa bagong pangulo ng Estados Unidos ang galit sa kanya ng mga kababaihan.

Ayon naman sa grupong Bagong Alyansang Makabayan (BAYAN), ang pagkakaluklok kay Trump sa panguluhan ay isang ‘bangungot’ at ‘masamang balita’ para sa mga Pinoy dito sa Pilipinas at gayundin sa mga Pinoy sa Amerika.

Samatala, aabot sa 900,000 katao ang dadalo sa inagurasyon ni Trump sa National Mall.

Mary Jane Veloso

Veloso-1Isang state witness na si overseas Filipino worker (OFW) Mary Jane Veloso kontra sa umano’y recruiter niya matapos ipagpaliban ang pagbitay kaninang madaling araw.

“The purpose of the stay is to allow Mary Jane to give testimony in connection with the complaint filed against the recruiters,” wika ni Foreign Affairs Secretary Albert del Rosario.

Ilang oras bago bitayin si Veloso kahapon ay sumuko ang umano’y recruiter niya na si Maria Kristina Sergio sa provincial police station sa Nueva Ecija.

Naibalik na sa normal na selda sa Yogkayarta si Veloso mula sa prison island sa Nusakambangan.

Sinabi naman ng tagapagsalita ng DFA na si Charles Jose na isang testigo at complainant si Veloso sa kasong ng Department of Justice (DOJ) laban kay Sergio. Continue reading

3 MILF-BIFF commanders, sangkot sa Fallen 44

44 patayLumutang ngayon ang tatlong pangalan ng mga top commanders mula sa Moro Islamic Liberation Front (MILF) at Bangsamoro Islamic Freedom Fighters (BIFFF) na umano’y responsable sa pag-massacre sa 44 na miyembro ng Philippine National Police-Special Action Force (PNP-SAF).

Ito ay sina Zacaria Goma, Kagi Karialan at Waid Tundok.

Si Goma ay commander ng 105th Base Command ng MILF habang si Karialan ay commander ng BIFFF at si Tundok naman ay ground commander ng MILF 118th Base Command.

Sa pakikipag-ugnayan kay Goma, kanyang sinabi na ipinauubaya na nito sa MILF central comittee ang pagsiyasat kaugnay sa Mamasapano massacre.

Napag-alaman na si Goma ang nag-assume bilang 105th Base Command commander matapos tumiwalag sa grupo ang kanyang superior na si Ameril Umbra Kato. Continue reading

Kemikal na nagdudulot ng breast cancer, tinukoy

Molecule ChemistryTINUKOY sa isang pag-aaral kung anu-ano ang nagdudulot ng breast cancer sa kababaihan. Sinabi ng US researchers noong Lunes, na araw-araw ay may naglilitawang dahilan sa pagkakaroon ng breast cancer.
Ang peer-reviewed journal na Environment Health Perspectives ay nagbigay ng halos 17 kemikal na dapat iwasan. Ang nasabing pag-aaral ay naglathala rin ng mga paraan kung paano maiiwasan ang pagkakaroon ng breast cancer. Dito malalaman kung anu-ano ang kemikal na mapanganib sa kababaihan.
Kabilang sa mga tinukoy ang gasoline, diesel, flame retardants, stain-resistant textiles, paint removers at disinfection lalo na sa mga produktong pang-inumin. Nakukuha sa kapaligiran ang mammary carcinogens sa pamamagitan ng benzene at butadiene na nanggagaling sa usok ng mga sasakyan, lawn equipment, tobacco smoke at charred food.
Ilan sa ikinababahala ang paglilinis ng mga solvent tulad ng methylene chloride, pharmaceuticals na ginagamit sa hormone replacement therapy, flame retardants, kemikal sa stain-resistant textiles, non-stick coatings at styrene na nakukuha sa usok ng tabako na ginagamit sa paggawa ng styrofoam, sabi sa pag-aaral. Maaari ring makuha ang tinatawag na carcinogens sa mga inuming tubig.
“The study provides a road map for breast cancer prevention by identifying high-priority chemicals that women are most commonly exposed to and demonstrates how to measure exposure,” sabi ng study author na si Ruthann Rudel, research director ng Silent Spring Institute.
“This information will guide efforts to reduce exposure to chemicals linked to breast cancer, and help researchers study how women are being affected,” dagdag pa niya. Continue reading

Zamboanga mayor, 3 pa utas sa NAIA ambush

NAIA-3-shootingMANILA, Philippines – Nakalusot sa dalawang ambushed attempt pero sa ikatlong pagkakataon ay napatay ng mga hindi kilalang kalalakihan si Labangan, Zamboanga del Sur Mayor Ukol Talumpa, asawa nito, pamangkin at isang 18-buwang paslit matapos silang pagbabarilin sa arrival area ng Ninoy Aquino International Airport Terminal 3 (NAIA-T3), kahapon ng umaga.

Ayon sa ulat, kalalapag lamang sa NAIA 3 dakong 11:15 ng umaga ni Mayor Talumpa kasama ang misis na si Lea at pamangkin na si Salipuddin Talumpa, 25, galing Zamboanga del Sur sakay ng Cebu Pacific Airlines flight 5J – 852. Continue reading

2 mall pinasabog : 5 nasugatan sa Davao City

Davao-Mall-bombs-packed-inside-soda-cansLima-katao ang iniulat na nasugatan matapos ang magkasunod na pagsabog sa dalawang sinehan sa dalawa ring pamosong mall sa Davao City, Davao del Sur noong Lunes ng gabi.

Sa ulat ni Davao City PNP director P/Senior Supt. Ronald de la Rosa na naiparating sa Camp Crame, dakong alas-9:05 ng gabi ng maganap ang unang pagsabog sa loob ng Cinema 1 ng pamosong mall sa Ecoland.

Agad namang rumes­ponde ang bomb squad ng Davao City PNP na nagsagawa ng post blast investigation kung saan inatasan ang mga movie goer na bakantehin ang Cinema 1. Continue reading

24 patay, 217 nawawala sa banggaan ng dalawang barko sa Cebu

MV St. Thomas AquinasUmakyat na sa 24 pasahero ang natagpuang patay, habang bumaba naman sa 217 mula sa 274 ang nawawala kaugnay sa nangyaring banggaan ng dalawang barko sa Talisay, Cebu Biyernes ng gabi.

Sa report ng National Disaster Risk Reduction and Management Council (NDRRMC) alas siyete ng umaga ng Sabado, nasa 24 na ang kumpirmadong patay.

Samantala, nagsanib pwersa naman ang Philippine Coast Guard (PCG) at Philippine Navy (PN) sa paghahanap sa mga nawawalang pasahero ng pampasaherong barko ng 2Go na MV St. Thomas Aquinas. Continue reading

U.S. Embassy bantay-sarado

USEMBASSYHinigpitan ng gobyernong Aquino ang seguridad sa Embahada ng Amerika sa Maynila gayundin sa iba pa nilang tanggapan bunsod ng banta ng terror attack ng al-Qaeda group. Nitong Sabado (Linggo sa Pilipinas) ay nag-isyu ang White House ng worldwide travel alert at ang pagsasara ng kanilang embahada sa Islamic countries dahil sa pinangangambahan nilang pag-atake ng international terrorist group.

Bunsod ito ng pagpuga ng ilang daang militante sa Iraq, Libya, Pakistan at anim pang bansa na sinasabing konektado sa al-Qaeda. Continue reading

Mataong lugar sa CDO : pinasabugan; 6 patay

Blast sa Cagayan de OroNiyanig ng malakas na pagsabog nitong Biyernes ng gabi ang isang establisimyento sa Limketkai Center sa Cagayan de Oro City na nagresulta sa pagkamatay ng anim katao at pagkakasugat ng may 46 iba pa.

Kabilang sa mga nasawi sa pagsabog sa Kyla’s bar sa Limketkai Center dakong 11:30 p.m, si Roldan Lagbas, provincial board member sa Misamis Oriental.

“Accordingly the bomb, the blast was near him but we cannot say it’s politically motivated because we’ll just speculate,” ayon kay Lt. Col. Leo Bongosia, tagapagsalita ng 6th Infantry Division ng Army.

“We still know the motive and the identities of the people behind the explosion of this improvised bomb,” dagdag niya.

Ayon sa imbestigasyon, tatlo katao ang kaagad nasawi sa naganap na pagsabog, habang ang tatlo ay pumanaw habang ginagamot sa ospital. Continue reading